Latest Tweet

77

image

جوس ويدون هو مخرج أمريكي، كان بيدي كلمة في حفلة تخرج في جامعة ، وكان بيتكلم عن فكرة إحنا مين، وعلاقتنا بنفسنا وبهويتنا وبالسعادة وبالحياة والموت.

على قد ما أول كلامه يخض لكنه بعد كده ملهم جدا، وأعتقد إنها من أحلى الكلمات اللي سمعتها في حياتي.

هنا أهم ما شد إنتباهي في اللي قاله، وماتدققوش مع عدم حرفنتي في الترجمة.

"كلنا هانموت، كلنا بنموت فعليا دلوقتي، إحنا مهما كنا في عز شبابنا، بنموت، جسمنا كل وظيفته إنه يتكاثر وبعد كده ينزل تحت التراب علشان يتحلل ويكون أكل لكائنات ثانية، لكن عقلنا عايز يعيش، وفي صراع، ما بين اللي العقل عايزه واللي الجسم عايزه، والصراع ده أهم نعمة عندنا كبشر.

إحنا كبشر غير كل المخلوقات، عندنا القدرة إننا نعارض نفسنا، وده مش بس مفتاح للفهم والإدراك ده مفتاح للنمو والتطور، إنك أصلا تتقبل فكرة التضاد اللي جواك، والتناقض الإزدواجية ديه، معناه إنك تكتسب هوية وشخصية، وشخصيتك/هويتك هي حاجة بتكتسبها طول الوقت، مش مرة واحدة، الشخصية مش حاجة ثابتة، الشخصية أو الهوية، هي عملية مستمرة طول الوقت ولازم تكون نشيط بنفس نشاط العملية اللي شغالة على طول ديه.

الإزدواجية والتناقض اللي جواك ده بيخلق توتر، والتوتر ده مش هايختفي، وصوته هايفضل موجود، ولو إنت فاكر إنك ممكن تنجز حاجة معينة في شغلك، أو في علاقة، في جواز، هاتخلي الصوت ده يختفي تبقى غلطان، الصوت ده هايفضل موجود، عمرك ما هاتوصل للسلام والسكون التام اللي إنت متخيله.

لو إنت منتظر السعادة تيجي لما الصوت ده يختفي، يبقى إنت عمرك ما هاتكون سعيد، السلام مش هاييجي لما الصوت يختفي، السلام هاييجي لما تتقبل وتذعن للصوت ده، لإن عمره ما هايعيش في سلام أو سكون، لو تقبلت الصوت ده، كل حاجة هاتكون أحسن.

علشان تبني كل “أنفسك” -جمع نفس-، كل شخصياتك، كل قناعاتك وإياماناتك، لازم تجادل نفسك، لإن في شخص هاييجي ويجادلها، شخص هاييجي ويسألك عن كل قناعة عندك، يسألك عن سبب تمسكك بكل هدف بتطمحله، ولو إنت ما عندكش إجابة، مش هاتعرف ترد، وهاتبقى زي اللي واقف على رجل واحدة، سهل جدا يقع.

مجتماعتنا مش بتحب التضاد أو التناقض، مش بتفهم الحاجات اللي مش واضحة ومتطرفة، بتحب القوالب، أبيض وإسود، حلو ووحش، بس إنت مش  واحدة من دول، إنت مثير للإهتمام عن كده، متميز عن القوالب ديه، ولازم تفهم إن الناس زيك، متضادين، ومتناقضين زيك بالظبط، وتفهمك لتناقضهم بيخلق علاقة ومحبة بينك وبينهم.

إحنا في مجتمع بيخش الجدال علشان يكسبه، مش علشان يكسب منه الحقيقة، أحسن حاجة في أي جدال تخشه مع غيرك أو مع نفسك، إنك تخسره، لإنك ساعتها هاتكون كسبت حقيقة جديدة، إتعلمت درس جديد، غيرت موقفك، لإنك عمرك ما هاتفهم موقفك بجد، إلا لو تفهمت فعلا الموقف المعارض ليه.

إنت نفسك تغير العالم، بس إنت غصب عنك كده كده بتغيره، لإن العالم بيتشكل بكل تجاربنا سوا، إنت مش بتعدي على الحياة ديه، الحياة ديه بتعدي بيك، جواك، عن طريقك، إنت خطوة في مسيرتها علشان تستمر، بتجربتك فيها، إنت بتضيفلها، وعلشان كده هي بتتطور، وعمرها ما هاتكون بعدك زي ما كانت قبلك، علشان كده، فعلا وبدون مبالغة لغوية، إنت المستقبل.

في ناس كثير هاتقولك، ماتحاولش تبقى أي حاجة غير نفسك، أنا عايز أقولك، كن كل أنفسك (أو نفوسك)، كن كل شخصية بتكونها كل لحظة، مع كل نَفَس داخل وخارج، إنت نَفْس جديدة، شخصية جديدة.

إنت جواك الموت، مهمتك تعارضه، تجادله باللي ضده، بالحياة، عيش حياتك، عارض الموت بإستمتاعك بيها.”

——————-

المقال الأصلي

17

الفنان لازم يكون شجاع.. ولو مش شجاع يبقى مش فنان

بول هاجيس

هو أنا أنفع؟

كام مرة قابلت شخص حلمه إنه كان يشتغل في الفن وماخدش خطوة واحدة في الإتجاه لتحقيق حلمه؟ أو أخد كام خطوة وماكملش؟ راح إشتغل في بنك أو شركة إتصالات؟ وفي منهم متابعين شغوفين لكل ما هو له دخل بحلمهم القديم، شخص كان نفسه يخرج، تلاقيه عارف كل أسامي المخرجين والكتاب والأفلام وساعات حتى الكومبارسات بتوع أفلام السبعينات واحد واحد.

هذا الشخص تجده دائما يتحسر على هذه الفرصة الضائعة والحلم المختون ولما يقابل أي حد في هذه المهنة يقول له بشعور فخر ممتزج بالحسرة أنا طول عمري كان نفسي أبقى مخرج" ولما تسأله وإيه اللي حصل يقولك آهه”.

للأسف ناس كثير بيضيع حلمها ده لإنها مش عارفة إن ثمنه ممكن يكون بس عن ثمن شغلانات ثانية كثير، مش لازم يكون ثمن أصعب، بس هو ثمن مختلف، مش مبني على حسابات أو توقعات أو على خبرات سابقة، علشان كده بيخوف ناس كثير.

لو سألت ميت واحد ناجح في مجال السينما عن أسباب نجاحه هتسمع ميت قصة مختلفة

مجهول.

النجاح في السينما عمره ما كان معادلة معروف أطرافها، بس المؤكد في الحياة إن لكل مجتهد نصيب وأن الفرصة لا تأتي إلا لمن يستحقها، ومافيش فنان في العالم إشتغل وتعب بجد وطور من نفسه بجد وإتعلم من أخطاؤه بجد وبعدها فشل.

دخول المهنة ديه وإعتبارها الخطة الوحيدة في حياتك بدون أي خطط بديلة هي أهم خطوة وأكثر خطوة محتاجة شجاعة، لو عندك خطة بديلة، أو إختيار ثاني أسهل، مع الصعوبات اللي هتواجهها أكيد هاتلجأله.

في الكلية الحربية لما بيختبروا المتقدمين كل سنة بيعملولهم إختبار للشجاعة إسمه قفزة الثقة، المتقدم يبطلع على منط عالي جدا علشان يقفز منه في حمام سباحة بيبان من الإرتفاع ده إنه خرم إبرة، ومع إن كل متقدم عارف إنه لما هينط مسيره ينزل في المية برضه في ناس كثير بتخاف تنط.

هو ده مجال السينما وأي مجال، لو نطيت مسيرك تقع في حمام السباحة، بس علشات تلمس المية محتاج تشتغل، تذاكر، تدرس وتتطور وتحاول.

محتاج تعرف إن الشغلانة صعبة، هتشتغل يوم وعشرة لأ، هيبقى معاك فلوس شوية وتجوع شوية، هتلاقي الناس بتصقفلك بحماس وبكرة يشتموك كإنه قتلتلهم قتيل، في يوم تليفونك مش بيطل رن وفي سنة يتكلم كل الناس ماحدش بيرد عليك.

إنت قد آخر فيلم ليك، لو كان فيلم كبير وناجح بتكون كبير وناجح، لو كان فاشل بتكون فاشل، مهما كان تاريخك

م. نايت شاياملان

محتاج شجاعة التواضع، شجاع علشان تعرف تقتنع إن شغلك مش إنت، تقييم شغلك مش تقييم ليك كبني آدم، شغلك هو نتاج ظروفك والظروف المحيطة بيك وإنت بتصنعه، لو شغل ليك فشل في ألف عامل ممكن يكونوا السبب، ونفس الكلام بالظبط لو نجح، اللي نجح ده مش إنت بس، ده ظروف كونية إتقابلت فيك وفي الظروف وفي الناس اللي إشتغلت معاك في الجمهور ونوعه وحالته النفسية وهو بيشوف شغلك فخلاه يعجبه.

شجاعة التعلم من تجاربك، إنك تعرف شغلك فشل ليه، أو فشل في إنه يوصل إيه، ولما نجح نجح ليه، وإنك تتعلم الدرس الصح، في ناس لما التجربة بتفشل بيلوموا آخر ناس وظروف كانت السبب ونفس الكلام في النجاح.

تلاقي فنان عمل فيلم بتلعثم فيه في الكلام مثلا، الفيلم نجح جدا، لإن تلعثمه ده كان جديدولإن فكرة الفيلم كانت حلوة وأخرجت كويس بإنتاج كويس ومعاه زملاء كويسين، هو بيظن مثلا إن تلعثمه كان السبب، فيكرر التلعثم، فالناس مايعجبهاش الفيلم لإن اللي عجبهم مش التلعثم بس، اللي عجبهم إنه كان جديد، وأضاف ليه عوامل ثانية، فالفيلم الجديد يفشل، فيلوم النجم وقت نزول الفيلم أو إن الكاتب كتب أدوار الناس اللي حواليه أكبر من دوره، وهكذا.

إنك تحس على طول بتواضع التلميذ اللي بيتعلم من التجارب اللي حواليه والدنيا والناس والجمهور ده محتاج شجاعة، علشان تقدر تتطور، وفي نفس الوقت ماتفقدش ثقتك في نفسك وحدسك والصوت اللي جواك الي بيحركك، معادلة في غاية الصعوبة محتاجة إنك تكون مواجه نفسك على طول وواعي بكذبك على نفسك إلى أبعد الحدود.

ممكن تقرا الكتاب ده ومليون كتاب ثاني عن صناعة السينما، بس لما تيجي تكتب أول مشهد تترعب إنك مش عارف تقول إيه، في أول يوم تصوير تترعب لما يسألوك نحط الكاميرا فين؟، تترعب و إنت في المونتاج ومش عارف تبدأ منين.

ممكن تاخد ألف كورس، وألف شهادة، وتتدرب مع ألف مخرج، وتشوف مليون فيلم وتقرا زليار كتاب، لكن وقت الفعل محتاج الشجاعة وحدها.

لو حاسس إنك مش شجاع وجبان وفر على نفسك الوقت وماتكملش قراية الكتاب وشوف شغالنة من تسعة لخمسة تؤمر فيها فتطيع وتعيش عمرك مع إنهزامية الأحلام الغير مكتملة.

لكن لو شايف نفسك دكر أو شايفة نفسك بنت مجدع وقدها وقدود وقلبك حديد مايهمكش جوع وتجاهل وسقعة وحر وإهانة الجمهور وسب النقاد ليك وعارف إن كل حاجة من ديه هتقويك وتطورك ومش هتخليك تستسلم إنك تعبر عن نفسك زي ما إنت شايف وحابب يبقى كمل.

إحلم وحقق حلمكوبيعه وإكسب منه كمان فلوس.

أنا أكل عيشي أحلامي

ستيفين سبيلبرج

239

عبر سنوات عديدة من المشاهدة أعتقد أن هذه الأفلام هي أكثر أفلام أبهرتني وظلت قريبة لقلبي وذوقي .السينمائى

ملاحظات قبل القراءة:

الترتيب ليس ترتيب صارم على أساس مقدار الإعجاب.

سأحاول أن أكتب سطر واحد مختصر عن سبب حبي لكل فيلم.

طبعا من الممكن أن بعد تاريخ كتابة هذا المقال تتغير آرائي أو تطرأ أفلام أخرى تستحق الوجود فيه أكثر من الأخرى، لذا سأعدل فيه دائما ليظل محدثا.

آخيرا بتعذر للترجمة العربية لأسامي الأفلام، هذا أفضل ما إستطعت أن أفعله.

الأفلام:

————————————————————————————————————————————-

Fight Club (American) نادي القتال (أمريكي) ٠

image

المزج العظيم بين التجارية والفنية، مع كل مشاهدة تجربة جديدة، على السطح فيلم مسلي وفي العمق فيلم فلسفي يمثل جيل كامل.

————————————————————————————————————————————-

Eternal Sunshine Of A Spotless Mind (American) التجلي الأزلي للعقل النقي (أمريكي) ٠

image

جرعة قوية من الإنسانية والرومانسية، سرد مختلف وعبقري، شحنة من المشاعر التي تدخل قلبك ولا تنسى.

————————————————————————————————————————————-

OldBoy (South Korean) الطفل العجوز (كوري جنوبي)٠

image

درس في صناعة مشاهد قاسية ودموية بشكل سيمفوني شاعري، سيناريو ممتع مليء بالمفاجآه ودراسة إنسانية مهمة.

————————————————————————————————————————————-

Amélie (French) آميلي (فرنسي) ٠

image

فن في صناعة البهجة والمتعة البصرية، تجربة تشبه زيارات الملاهي لطفل في التاسعة.

————————————————————————————————————————————-

City Of God / Cidade De Deus (Brazilian) مدينة الرب (برازيلي) ٠

image

إستغراق في محلية البرازيل توصل بالفيلم للعالمية، فيلم جريمة بسرد فني ممتع

————————————————————————————————————————————-

The Sea Inside / Mar Adentro (Spanish)  عمق البحر (إسباني) ٠

image

قصة إنسانية فلسفية عميقة، تطرح التساؤل حول العديد من الإشكاليات الفلسفية.

————————————————————————————————————————————-

Requiem For A Dream (American) ترتيلة للحلم (أمريكي) ٠

image

الإدمان تجربة قاسية، ولم يظهر سينمائي قسوتها كمثل هذا الفيلم، حيث يصبح الفيلم في نفس قسوة التجربة.

————————————————————————————————————————————-

Love Is A Bitch / Amores Perros (Mexican) الحب عاهرة (ميكسيكي) ٠

image

روح الشارع لم تظهرفي فيلم كمثل ما ظهرت في هذا الفيلم، وحدة التيمة في كل لقطة وحدث درامي، سلة من المشاعر الإنسانية.

————————————————————————————————————————————-

12 Angry Men (American) إثنى عشر رجل غاضب (أمريكي) ٠ 

image

درس عظيم في كتابة السيناريو، تحول الشخصيات الدرامي، الشخصيات الثلاثية الأبعاد، وكيف تصنع ساعتان من الدراما الشيقة في غرفة صغيرة.

————————————————————————————————————————————-

Paradise Cinema / Cinema Paradiso (Italian) سينما الجنة (إيطالي) ٠

image

أفلام كتلك تذكرنا لماذا نحب السينما. فيلم ساحر.

————————————————————————————————————————————-

Almost Famous (American) مشهور بالكاد (أمريكي) ٠ 

image

فن صناعة فيلم ذاتي وشخصي، قصة شخصية للمخرج أنتجها بشكل يمتع أي متفرج، قصة عن الجنس والمخدرات والروك آند رول، في أبهى صورها.

————————————————————————————————————————————-

Divine Intervention (Palestinian) يد إلهية (فلسطيني) ٠ 

image

فيلم عن قضية، بدون أن يكون “فيلم قضية” لوحات فنية متكرر ترسم مأساه إنسانية بشكل بديع.

————————————————————————————————————————————-

Snatch (British) إنتزاع (إنجليزي) ٠

image

متعة سينمائية وحرفة مبهرة، درس في المونتاج المبهر والقصص المتشابكة الممتعة، نوع سينمائي أصبح براءة إختراع لصانعه جاي ريتشي.

————————————————————————————————————————————-

The Matrix (American) الرحم (أمريكي) ٠

image

كيف تصنع فيلم ممتع تجاري مبهر وفي نفس الوقت ملغم بأفكار فلسفية.

————————————————————————————————————————————-

The Royal Tenenbaums (American)  عائلة تينبنبامز الملكية (أمريكي) ٠

image

نوع من الكوميديا يسجل بإسم صاحبه، ويس آندرسون له نبرة كوميدية ليست كمثل أى مخرج آخر، وبسبب إبداعاته ظهرت حركات كثيرة متأثرة به، بأسلوبه الكوميدي أو البصري.

————————————————————————————————————————————-

Seven (American) السبع خطايا (أمريكي)٠

image

من أفضل أفلام الجريمة أو أفلام “المحقق” أو “من القاتل؟”.. لم يستطع فيلم واحد شبيه له بعده في  تجاوزه.

————————————————————————————————————————————-

Big Fish (American) سمكة كبير (أمريكي) ٠

image

فيلم عن علاقة الإبن والأب، ساحر، فيلم عن قصة نضوج وحب وأمل، وأخيرا عن قبول فكرة الموت.

————————————————————————————————————————————-

Little Miss Sunshine (American) ملكة جمال صغيرة (أمريكي) ٠

image

فيلم عن سباق الحياة، كاسر كل الإبتذالات والأصنام السردية، مبهج، ممتع، ومريح.

————————————————————————————————————————————-

Hunger (British, Irish) الجوع (إنجليزي، آيرلاندي) ٠

image

فيلم في غاية القسوة، لكنه تجربة سينمائية من أجرأ ما يكون في أسلوب السرد والصورة.

————————————————————————————————————————————-

Annie Hall (American) آني هال (أمريكي) ٠

image

ما بين أفلام العظيم وودي آلان يظل هذا الفيلم الأقرب إلى قلبي، فيلم عن قصة حب، لكنه رحلة داخل أفكار المخرج أكثر من كونه عن بعض الأحداث الدرامية.

————————————————————————————————————————————-

Forrest Gump (American) فورست جامب (أمريكي) ٠

image

من الذي لا يحب “فورست جمب”؟ 

————————————————————————————————————————————-

Magnolia (American) ماجنوليا (أمريكي) ٠

image

فيلم عن الوحدة، عن الأبوة، عن الحب، عن الإحباط، عن التواصل، وأخيرا عن السماء التي تمطر ضفادع

————————————————————————————————————————————-

Citizen Kane (American) المواطن كين (أمريكي) ٠

image

أحد أهرامات صناعة السينما، فيلم كان السبب في الكثير من الأساليب السينمائية البصرية أو السردية.

————————————————————————————————————————————-

Dancer In The Dark (Several Countries) الراقصة في الظلام (عدة دول) ٠

image

الميلودراما في أبدع صورها، تجربة سينمائية واقعية لدرجة أنك لا تصدق أن هذا تمثيل وهذه قصة مكتوبة، أسلوب أحترفه “لارس فون ترير”.

————————————————————————————————————————————-

The Artist (American, French) الفنان (أمريكي، فرنسي) ٠

image

أن تصنع فيلم أبيض وأسود وصامت بعد إنتهاء هذه الموجة بثمانين عاما ويكون مسلي وممتع أكثر من أفلام حركة بها كل الخدع السينمائية فهو إنجاز سينمائي عظيم.

————————————————————————————————————————————-

Children Of Heaven (Iranian) أطفال الجنة (إيراني) ٠

image

تحفة إنسانية، يقول كل شيء عن مجتمع مكبوت محبط بدون أن يقول شيء.

————————————————————————————————————————————-

Mother (South Korean) الأم (كوري جنوبي) ٠

image

فيلم رائع على مستوى السرد، وحل اللغز الغامض، وعلى المستوى البصري الشديد البساطة لكن الشديد الإبهار في نفس الوقت.

————————————————————————————————————————————-

Inglourious Basterds (American) لقطاء غير عظماء (أمريكي) ٠

image

لسبب ما لا أفهمه، هذا أكثر أفلام كوانتين ترانتينو قربا لذوقي، وليس (بالب فيكشن). دخلته في السينما ثلاث مرات وكل مرة نفس المتعة.

————————————————————————————————————————————-

A Prophet / Un Prophéte (French) النبي (فرنسي) ٠

image

في رأيي من أفضل أفلام دراما السجون، حتى إني أحبه أكثر من (شاوشنك ريديمبشن)، فيلم تستطيع أن تحلل رموزه كثيرا، لكن المهم أنه ممتع ومشوق بشكل واقعي غير مبتذل.

————————————————————————————————————————————-

No Country Of Old Men (American) هذه البلد ليست للعواجيز (أمريكي) ٠

image

عبثية أفلام الأخوان كوين دائما ما تتركك متسائلا عن معنى الحياة، ومعنى الموت، وأسئلة وجودية كثيرة أخرى، وهذا من أكثر أفلامهم التي تشغل هذه التساؤلات داخلك، وأكثرها إمتاعا أيضا.

————————————————————————————————————————————-

Talk To Her / Hable Con Ella (Spanish) تكلم معها (إسباني) ٠

image

أفلام بيدرو المودوبار كلها أفكار مريضة ومزعجة، لكنه يستطيع أن يقدمهم في أروع شكل فني وبصري. مما يجعله واحد من أهم صناع السينما في العالم.

————————————————————————————————————————————-

Memento (American) مذكرة (أمريكي) ٠

image

كريستوفر نولان، واحد من أهم صناع السينما، مع نزول أي فيلم له يجب أن أذهب لمشاهدته في يوم عرضه، لكن يظل فيلمه الثاني أكثر أفلامه إبداعا وإبهارا لي.

————————————————————————————————————————————-

Drive (American) القيادة (أمريكي) ٠

image

أكثر ما هو مبهر في هذا الفيلم هو كيف تصنع فيلم عظيم من سيناريو مبتذل مكرر لا يليق إلا لفيلم فيديو، أسلوب بصري وحالة موترة جعلت الفيلم فيلم فني من الدرجة الأولى.

————————————————————————————————————————————-

Black Swan (American) البجعة السوداء (أمريكي) ٠

image

من أفضل الأمثلة للأفلام النفسية، المبنية على شخصية وليس على أحداث، محركها الصراعات داخل الشخصية وليس ما يحدث لها.

————————————————————————————————————————————-

The Godfather (American) الأب الروحي (أمريكي) ٠

image

لأن لا يمكن أن يكون هناك قائمة بأفضل الأفلام ولا يكون فيها الأب الروحي، هرم آخر من أهرامات تاريخ السينما.

————————————————————————————————————————————-

The Intouchables / Intouchables (French) محظورات (فرنسي) ٠

 image

من أكثر الإفلام إبهاجا، حباية سعادة سيظل مفعولها لأيام.

————————————————————————————————————————————-

Network (American) شبكة (أمريكي) ٠

image

سيناريو من الكلاسيكيات، الفيلم به واحد من أكثر المشاهد التي تمثلني في تاريخ السينما، عندما يصرخ البطل “أنا غاضب ولم أعد أستطيع تحمل كذبكم بعد الآن”٠

————————————————————————————————————————————-

Hot Fuzz (British) دوشة ساخنة (إنجليزي) ٠

image

الرعب الكوميدي، لم يصنعه أحد مثل إدجار رايت، نوع آخر من الكوميديا المسجلة بإسم صاحبها.

————————————————————————————————————————————-

Juno (American) جونو (أمريكي) ٠

image

أكثر فيلم أظهر ما نعيشه، أن الفجوة بين عقل الأطفال والكبار في تقلص، فيلم عن الصغار الكبار، وعن الكبار الصغار.

————————————————————————————————————————————-

12 Monkeys (American) ١٢ قرد (أمريكي) ٠

image

فيلم خيال علمي مصنوع بفنية وإتقان سابق لعصره.

————————————————————————————————————————————-

Rear Window (American) الشباك الخلفي (أمريكي) ٠

image

في قائمة كهذه كنت ممكن أن أكون ممل بوضع كل أفلام هيتشكوك، وعندما أردت أن لا أكون ممل وأختار منهم واحد إخترت هذا، أفضلهم من وجهة نظري.

————————————————————————————————————————————-

Slumdog Millionaire (American / Indian) المليونير المتشرد (أمريكي / هندي) ٠

image

من لا يحب قصص صعود الضعفاء، أو ال (آندردوج) كما تسمى، من الصفر للمستحيل.

————————————————————————————————————————————-

American Beauty (American) الجمال الأمريكي (أمريكي) ٠

image

من الأفلام التي قد تقنعك أن تصرف نظر عن كتابة السيناريوهات مرة أخرى، سيناريو سهل أن يشعرك بالعجز أنك عمرك ما ستكتب شيء بهذه العبقرية.

————————————————————————————————————————————-

A Clockwork Orange (American) محرك الساعة البرتقالي (أمريكي) ٠

image

كيف تكتب كتاب فلسفة عن نظريات العنف كلها في شكل فيلم سينمائي ممتع.

————————————————————————————————————————————-

أخيرا..

أعتذر عن عدم إدراج أفلام مصرية منعا للإحراج، لأني الآن أعمل في هذه المهنة ومن غير اللائق أن أقيم زملائي.

شكرا لإهتمامكم، وأتمنى أن تشاركوني بأفلامكم المفضلة.

عمرو سلامة ١٢ فبراير ٢٠١٤

52
البوستر التشويقي (Teaser Poster)
لفيلم “لامؤاخذة”٠

لمشاهدة الإعلان المصغر التشويقي الأول إضغط هنا
للإشتراك في صفحة الفيلم على فيسبوك إضغط هنا 
منتظر لآرائكم وشاكر لمساعدتكم على النشر.

البوستر التشويقي (Teaser Poster)

لفيلم “لامؤاخذة”٠

لمشاهدة الإعلان المصغر التشويقي الأول إضغط هنا

للإشتراك في صفحة الفيلم على فيسبوك إضغط هنا 

منتظر لآرائكم وشاكر لمساعدتكم على النشر.

17



"الثقافة والدولة نقيضان – لا نخطئن في ذلك -: إن فكرة دولة خالقة للثقافة فكرة حديثة. تحيا الواحدة على حساب الأخرى، تزدهر الواحدة على حساب الأخرى. كل العصور المزدهرة للثقافة هي عصور انحطاط سياسي، كل ما هو عظيم في جانب الثقافة كان دائما غير سياسي، بل ومضادا للسياسة".فردريك نيتشة.
omnia98mansour asked:
What message u always wanted to convey through films ?

I’m more of asking questions about human nature rather than conveying messages.

1
unapologeticallyuntethered asked:
Do you like pushing boundaries?

Thats the obsession of every artist.

13
Anonymous asked:
Heey actually i'm dying to be a filmmaker but i'm only a student ,what should i do?

Try to watch my work shop (Al Aflamgeya) it’s in two parts: 

Part One: http://www.youtube.com/watch?v=UQTHBikDe2Q&feature=relmfu

Part Two: http://www.youtube.com/watch?v=n1sClrkTXz8

And read this articles:

http://visualstoryteller.maktoobblog.com/1590744/

http://visualstoryteller.maktoobblog.com/1606397/لمن-يحلمون-بالعمل-في-الفن-عذرا-على-فرا/

I’m working also on a book about film making called (El Oradaty - The amateur’s guide to become a professional film maker) it will be released within couple of months.

And this is the list of my best books about movie-making.

http://amrsalama.tumblr.com/post/39468384171/best-books-about-movie-making

10
mennanagii asked:
حضرتك مش بتفكر تعمل workshops للكتاب المبتدئين يعني تكون زي meetings حضرتك تشرف عليها و يكون فيها تعليم كتابة قصص و كمان script تنقل من خلالها خبرات حضرتك للمبتدئين و خصوصا أن حضرتك كاتب شبابي جدا و ناس كتير حتحب تتعلم منك

بكتب كتاب عن السينما وهاعمل ورشات السنة الجاية إن شاء الله

7
Anonymous asked:
Whats Your All time favorite film?:) mine is once upon a time in america

No matter how many good films I’ve seen, Fight Club is still my greatest obsession.